O Pleno da Corporación, na sesión ordinaria que tivo lugar o día 27 de marzo de 2014, adoptou, entre outros, o seguinte acordo:
– Aprobar inicialmente a modificación puntual do Plan xeral de ordenación municipal relativa ao incremento de densidade dos solos urbanizables non delimitados (SUND), segundo o proxecto formulado polo Concello de Santiago de Compostela a través dos servizos técnicos da Área de Urbanismo.
De conformidade co disposto no artigo 85.2 da LOUG, este acordo someterase ao trámite de información pública durante o prazo de dous meses, mediante anuncios que para o efecto se publicarán no Diario Oficial de Galicia e en dous xornais dos de maior circulación na provincia. Simultaneamente outorgarase audiencia aos municipios limítrofes.
Durante o prazo de dous meses, contado a partir do día seguinte ao da publicación deste anuncio no Diario Oficial de Galicia, os interesados poderán consultar o expediente, no Servizo de Planeamento e Xestión, e formular as alegacións que xulguen oportunas.
Santiago de Compostela, 1 de abril de 2014
María Pardo Valdés
Concelleira da Área de Desenvolvemento Urbano e Sostible