Advertido un erro no prego de prescricións técnicas publicado o 8 de maio de 2014 para a referida contratación, publicada mediante Resolución do 14 de abril de 2014 no Diario Oficial de Galicia núm. 87, do 8 de maio, cómpre facer a seguinte corrección:
No punto 5, Formato e contido das ofertas, no esquema de oferta que deben presentar os licitadores, suprímese a epígrafe «Experiencia e cualificación profesional dos/das formadores/as» e engádese a epígrafe «Descrición, para o caso do lote número 2 (Cisco), do equipamento de rede e comunicacións que se porá a disposición do proxecto para garantir a calidade do servizo».
Esta corrección afecta o prazo de presentación de ofertas recollido no punto 8 da dita resolución, que queda do seguinte xeito:
a) Data límite de presentación: o prazo de presentación de ofertas comezará o día seguinte ao da publicación deste anuncio de corrección de erros no Diario Oficial de Galicia e finalizará aos quince días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.
Santiago de Compostela, 12 de maio de 2014
P.D. (Orde do 19.8.2009)
María Jesús Lorenzana Somoza
Secretaria xeral técnica da Consellería de Traballo e Benestar