Mediante a Orde do 8 de abril de 2013 (DOG nº 87, do 7 de maio) a Consellería de Medio Ambiente, Territorio e Infraestruturas fixo públicas as bases reguladoras para a concesión de axudas destinadas a favorecer os investimentos en materia ambiental por parte de entidades sen ánimo de lucro que realicen actividades económicas, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e a súa convocatoria para o ano 2013.

Segundo o establecido no artigo 14 das citadas bases reguladoras, coa finalidade de garantir o cumprimento dos principios de publicidade, concorrencia, obxectividade, transparencia, igualdade e non discriminación, de conformidade co previsto no artigo 15 da Lei 9/2007, do 13 de xuño, de subvencións de Galicia, serán obxecto de publicación no Diario Oficial de Galicia as axudas outorgadas ao abeiro da orde antes referida, con expresión da convocatoria, programa e aplicación orzamentaria a que se imputen, os beneficiarios, as cantidades concedidas e a finalidade da subvención.

Cómpre sinalar que estas subvencións están cofinanciadas nun 80 % polo Fondo Europeo de Desenvolvemento Rexional (Feder), ao abeiro do disposto no Regulamento (CE) 1080/2006 do Parlamento Europeo e do Consello, do 5 de xullo de 2006, relativo ao Fondo Europeo de Desenvolvemento Rexional; no Regulamento 1083/2006 do Consello, do 11 de xullo de 2006, polo que se establecen disposicións xerais relativas ao Fondo Europeo de Desenvolvemento Rexional, ao Fondo Social Europeo e ao Fondo de Cohesión, así como no Regulamento (CE) 1828/2006 da Comisión, do 8 de decembro de 2006, polo que se fixan as normas de desenvolvemento do Regulamento 1083/2006.

As actuacións subvencionables están incluídas, segundo a distribución que se sinala a continuación, no eixe 2, categoría de gasto 06 do programa operativo Feder Galicia 2007-2013:

a) Investimentos das empresas co fin de acadar unha redución das emisións á atmosfera: 2.06.4.

b) Investimentos das empresas destinados a mellorar o seu comportamento ambiental en materia de xestión e uso sustentable dos recursos e os residuos: 2.06.1.

c) Realización de estudos de análise e avaliación de riscos ambientais sectoriais: 2.06.3.

d) Realización de xornadas técnicas, seminarios, accións formativas, foros ou premios dirixidos á difusión de técnicas, metodoloxías, ferramentas innovadoras ou intercambio de boas prácticas en materia ambiental: 2.06.6.

e) Auditoría para a determinación da pegada de carbono dun produto: 2.06.2.

En consecuencia,

RESOLVO:

Publicar as axudas que se relacionan na táboa que se anexa, concedidas ao abeiro do seguinte:

a) Norma reguladora da convocatoria:

– Orde do 8 de abril de 2013 pola que se establecen as bases reguladoras para a concesión de axudas destinadas a favorecer os investimentos en materia ambiental por parte de entidades sen ánimo de lucro que realicen actividades económicas, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se fai pública a súa convocatoria para o ano 2013 (DOG nº 87, do 7 de maio de 2013).

b) Aplicación orzamentaria: 07.03.541D.781.

c) Finalidade da axuda: financiar proxectos en materia de actuacións destinadas á prevención, protección, mellora e coñecemento ambiental.

d) Destinatarios: entidades sen ánimo de lucro que exerzan algunha actividade empresarial e que cumpran o establecido no artigo 2 das bases reguladoras.

Santiago de Compostela, 21 de abril de 2014

Justo de Benito Basanta
Secretario xeral de Calidade e Avaliación Ambiental

ANEXO
Entidades beneficiarias e importes das axudas outorgadas

Nº expte.				Entidade	Importe da axuda concedida
Esal	01	/13	Xor	Asociación Boirense de Empresarios	2.720,24 €
Esal	04	/13	Cco	Asociación de Investigación Metalúrgica del Noroeste-Centro Tecnológico AIMEN	8.963,34 €
Esal	05	/13	Cco	Fundación Cipri Gomes	20.767,16 €
Esal	08	/13	Res	Asociación de Empresarios para la Construcción-Asemaco	31.344,00 €
Esal	09	/13	Res	Asociación BATA (Baión, Asociación Tratamento do Autismo)	14.894,94 €
Esal	14	/13	Res	Club Náutico Deportivo Ribeira	1.874,40 €
Esal	15	/13	Xor	Clúster da Madeira de Galicia	1.012,00 €
Esal	22	/13	Res	Apetamcor-Asoc. Empresarial de Transporte de Mercadorías por Estrada	26.720,00 €
Esal	28	/13	Xor	Asociación de Empresarios Ferrolterra	6.000,00 €
Esal	34	/13	Cco	Asociación DOA	4.702,49 €
Esal	35	/13	Cco	Asociación Comarcal de Educación Especial Santísimo Cristo del Amor	11.484,00 €
Esal	36	/13	Cco	Asoc. Profesional Agraria Xóvenes Agricultores	27.755,38 €
Esal	37	/13	Cco	Fundación Paideia Galiza	65.386,65 €
Esal	38	/13	Cco	Asociación Amicos	26.802,67 €
Esal	39	/13	Cco	Asoc. Prov. de Empresarios de Restauración y Hospedaje Stgo.	35.104,50 €
Esal	40	/13	Cco	Unións Agrarias-UPA	3.494,54 €
Esal	45	/13	Xor	Asociación Profesional Gandeiros de Lugo	6.000,00 €
Esal	47	/13	Xor	Asociación de Desenvolvemento Rural ODEGA	9.000,00 €
Esal	54	/13	Cco	Fundación Asilo Hospitalillo Sagrado Corazón de Jesús	77.501,84 €
Esal	56	/13	Cco	Real Aero Club de Santiago	34.418,00 €
Esal	63	/13	Xor	Fundación CEO para el Desarrollo Empresarial	6.000,00 €
Esal	64	/13	Cco	Confederación Empresarial de Ourense	23.781,93 €
Esal	66	/13	Cco	Confederación de Empresarios de Galicia	20.208,36 €
Esal	68	/13	Xor	Adega-Asoc. para a Defensa Ecolóxica de Galiza	6.000,00 €
Esal	69	/13	Cco	Fundación Monte do Gozo Proxecto Home Galicia	45.040,00 €
Esal	72	/13	Cco	Asociación Área Empresarial do Tambre	33.524,11 €
Esal	75	/13	Xor	Asociación Clúster del Granito	7.000,00 €
Esal	83	/13	Cco	Budo Asociación Deportiva	55.885,20 €
Esal	86	/13	Cco	Círculo Cultural Deportivo Sanxenxo	26.812,00 €
Esal	87	/13	Cco	Club Náutico de Portonovo	6.707,10 €
Esal	88	/13	Cco	Liceo Casino de Pontevedra	82.480,92 €
Esal	91	/13	Res	Asoc. de Empresarios del Polígono Industrial de O Salnés	13.600,00 €
Esal	92	/13	Cco	Asociación Protectora de Animais Gatocan	42.324,16 €
Esal	94	/13	Cco	Fundación Hogar Santa Margarita	54.904,00 €
Esal	97	/13	Xor	Trespés, soc. coop.	6.000,00 €
Esal	102	/13	Res	Asociación Gallega de Turismo Rural	22.016,00 €
Esal	103	/13	Res	Asociación de Empresarios de la Comarca de Arzúa	12.340,00 €
Esal	104	/13	Xor	AELU-Asociación de Mulleres Empresarias da Provincia de Lugo	4.464,00 €
Esal	106	/13	Cco	Fundación de Daño Cerebral	100.000,00 €
Esal	107	/13	Cco	Aprevar	100.000,00 €