Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de despedimento obxectivo individual 979/2013 deste xulgado do social, seguido por instancia de María Karina Romar Ponte contra a empresa Confecciones A Baña, S.L. Unipersonal, María del Pilar Negreira Insua e o Fondo de Garantía Salarial, sobre despedimento, ditouse a sentenza nº 132, cuxo encabezamento e resolución son do teor literal:

«Sentenza.

Santiago de Compostela, 27 de marzo de 2014.

Vistos por Carolina Nores Díaz, maxistrada-xuíza en comisión de servizo do Xulgado do Social número 3 de Santiago de Compostela e o seu partido, os presentes autos de xuízo nº 979/2013 seguidos por instancia de Karina Romar Ponte, representada e asistida pola letrada Sra. Romero Salgado, contra a entidade Confecciones Baña, S.L. Unipersonal (declarada en concurso, é a administradora concursal Josefa C. Rúa Gayo), e contra o Fogasa, que non comparecen neste acto malia estaren debidamente citadas, e contra Mª Pilar Negreira Insua, asistida e representada polo letrado Sr. González-Concheiro Álvarez, sobre despedimento obxectivo individual.

(…)

Decido.

1º. Estimo a demanda sobre despedimento formulada por María Karina Romar Ponte, representada e asistida pola letrada Sra. Romero Salgado, contra a entidade Confecciones Baña, S.L. Unipersonal (declarada en concurso, é a administradora concursal Josefa C. Rúa Gayo), e contra o Fogasa que non comparecen neste acto malia estaren debidamente citadas, e contra Mª Pilar Negreira Insua, asistida e representada polo letrado Sr. González-Concheiro Álvarez, sobre despedimento obxectivo individual, e, en consecuencia, declaro a improcedencia do despedimento, con condena da empresa Confecciones Baña, S.L. Unipersonal á extinción da relación laboral na data de sentenza, con aboamento da indemnización detallada no número segundo desta resolución (ao non ser posible a readmisión por cesamento de actividade da empresa).

2º. A indemnización, segundo o disposto no número anterior, sería de 15.015,83 euros.

3º. Debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

4º. Debo absolver e absolvo á codemandada Mª Pilar Negreira Insua dos pedimentos efectuados na súa contra.

Notifíquese ás partes a presente resolución facéndolles saber que fronte a ela poderán interpoñer recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte ao da súa notificación.

A anterior resolución entregarase ao secretario para a súa custodia e incorporación ao libro de sentenzas. Insírase nas actuacións por medio de testemuño.

Por esta a miña sentenza, xulgando definitivamente na primeira instancia, pronúncioo, mándoo e asínoo».

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

E para que sirva de notificación a Confecciones A Baña, S.L.U., expido o presente.

Santiago de Compostela, 28 de marzo de 2014

A secretaria xudicial