O 21 de febreiro de 2014 dítase a resolución de extinción de autorización sanitaria, por peche definitivo do centro sanitario que foi autorizado pola resolución da Secretaría Xeral da Consellería de Sanidade de 3 de febreiro de 2009, co número de rexistro C-15-002231.
Intentada a notificación ao administrador único da sociedade Clínica El Pasaje, S.L. segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e ao non poderse practicar a notificación persoal, notifícaselle, por medio deste anuncio, ao abeiro do disposto no número 5 do dito artigo, a referida resolución.
O texto completo da dita resolución atópase á disposición do interesado nas dependencias do Servizo de Autorización de Centros, Servizos e Establecementos Sanitarios da Secretaría Xeral Técnica da Consellería de Sanidade, no Edificio Administrativo de San Lázaro, s/n, de Santiago de Compostela, de luns a venres, das 9.00 ás 14.00.
Contra esta resolución, que non pon fin á vía administrativa, poderá interpoñer, no prazo dun mes, un recurso de alzada ante a conselleira de Sanidade de conformidade co establecido nos artigos 114 e 115 da Lei 30/1992.
Santiago de Compostela, 4 de abril de 2014
Mercedes Lanza Gándara
Subdirectora xeral de Inspección, Auditoría e Acreditación de Servizos Sanitarios