Antecedentes de feito.
Primeiro. Con data do 1 de abril de 1997, a Dirección Xeral de Industria autorizou a Maderas Bama, S.L. a instalación dunha planta de coxeración na súa factoría do concello de Touro (A Coruña) e incluíuna no réxime especial creado polo Real decreto 2366/1994, do 9 de decembro.
Segundo. Con data do 1 de febreiro de 1999, a Dirección Xeral de Industria aprobou o proxecto de execución da planta de coxeración citada. As características básicas da instalación son:
– Dous grupos motoxeradores de 760 kW, c/u de potencia eléctrica efectiva, tensión nominal de xeración 400 V, 50 Hz, que consomen gasóleo como combustible.
– Dous transformadores elevadores de 1.000 kVA de potencia nominal cada un, con relación de transformación 0,4/10-20 kV ± 2,5 ±5 ± 7 %.
– Instalacións auxiliares e de interconexión á rede da compañía eléctrica distribuidora.
Terceiro. Con data do 15 de xullo de 1999, a Delegación Provincial da Consellería de Economía e Comercio da Coruña autorizou a posta en marcha da instalación de referencia.
Cuarto. Con data do 11 de agosto de 1999, a Dirección Xeral de Industria autorizou o cambio de titularidade e subrogación da autorización administrativa e recoñecemento da condición de instalación acollida ao réxime especial de produción eléctrica da central de coxeración de Maderas Bama, S.L. a favor de Energía de Bama, S.L.
Quinto. Con data do 27 de outubro de 1999, a Dirección Xeral de Industria inscribiu definitivamente a planta de coxeración no Rexistro de Instalacións de Produción de Enerxía en Réxime Especial da Comunidade Autónoma de Galicia, con número RE-99-37.
Sexto. Con data do 15 de maio de 2013, Energía de Bama, S.L. presentou solicitude de autorización administrativa para o peche e desmantelamento da instalación.
Sétimo. Con data do 23 de agosto de 2013, a Xefatura Territorial da Consellería de Economía e Industria da Coruña emitiu informe favorable á solicitude presentada.
Oitavo. Con data do 17 de decembro de 2013, requíreselle a Energía de Bama, S.L. documentación adicional necesaria para continuar coa tramitación do procedemento.
A empresa promotora presentou documentación con data do 30 de decembro de 2013.
Noveno. Con data do 26 de febreiro de 2014, Energía de Bama, S.L. solicitou a cancelación da inscrición da planta de coxeración no Rexistro de Instalacións de Produción de Enerxía en Réxime Especial da Comunidade Autónoma de Galicia.
Fundamentos de dereito.
Primeiro. A Dirección Xeral de Enerxía e Minas é competente para resolver este expediente con fundamento no Decreto 227/2012, do 2 de decembro, polo que se establece a estrutura orgánica da Xunta de Galicia, no Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia, e no artigo 19 do Decreto 110/2013, do 4 de xullo, polo que se establece a estrutura orgánica da Consellería de Economía e Industria, que atribúe á Dirección Xeral de Enerxía e Minas a dirección, coordinación, planificación, execución, seguimento e control das competencias e funcións da consellería en materia de enerxía, minas, administración e seguridade industrial, solo industrial, metroloxía e metais preciosos.
Segundo. O artigo 28 da Lei 54/1997, do 27 de novembro, do sector eléctrico, establece que a construción, explotación, modificación substancial, a transmisión e o peche de instalacións de produción de enerxía eléctrica en réxime especial estará sometida ao réxime de autorización administrativa previa, que terá carácter regrado, correspondéndolle o seu outorgamento á Administración autonómica.
Terceiro. Na tramitación tivéronse en conta as normas de procedemento contidas no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 661/2007, do 25 de maio, polo que se regula a actividade de produción de enerxía eléctrica en réxime especial, na Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas vixentes de aplicación.
De acordo co que antecede,
RESOLVO:
Primeiro. Autorizar administrativamente a Energía de Bama, S.L. o peche da instalación de coxeración que posúe na súa factoría do concello de Touro (A Coruña) segundo o Proxecto de desmantelamento e peche da planta de coxeración Energía de Bama, S.L. (RE-99-37) con motor de gasóleo situada en Maderas Bama (concello de Touro), redactado polo enxeñeiro industrial Noel Viñas Vázquez, colexiado nº 2.114, e visado polo Colexio Oficial de Enxeñeiros Industriais de Galicia o 14 de maio de 2013.
Segundo. Cancelar a inscrición no Rexistro de Instalacións de Produción de Enerxía Eléctrica en Réxime Especial da Comunidade Autónoma de Galicia da instalación citada, con número de rexistro autonómico RE-99-37.
Todo isto de acordo coas seguintes condicións:
Primeira. A instalación terá que pecharse e desmantelarse de acordo coas especificacións e planos que figuran no proxecto referido no punto primeiro da parte dispositiva desta resolución.
Segunda. O tratamento dos residuos obtidos como consecuencia do peche e desmantelamento da instalación efectuarase de acordo co establecido na Lei 22/2011, do 28 de xullo, de residuos e solos contaminados, e demais lexislación de aplicación.
Terceira. Para introducir modificacións que afecten datos básicos do proxecto será necesaria a autorización previa desta dirección xeral. Pola súa banda, a Xefatura Territorial da Consellería de Economía e Industria da Coruña poderá autorizar as modificacións de detalle do proxecto que resulten procedentes, debendo comunicarlle a este centro directivo todas as resolucións que dite en aplicación da devandita facultade.
Cuarta. O prazo para o peche e desmantelamento da instalación será de doce meses contados a partir do día seguinte ao da notificación desta resolución. Se transcorrido o dito prazo aquel non tivo lugar, producirase a caducidade desta autorización.
Quinta. Unha vez pechada e desmantelada a instalación, a Xefatura Territorial da Consellería de Economía e Industria da Coruña inspeccionará a totalidade das obras efectuadas.
Sexta. Con carácter previo á acta de peche, o órgano competente verificará o cumprimento dos condicionados impostos nesta resolución.
Sétima. O peche e desmantelamento da planta de coxeneración implicará a extinción da servidume de paso establecida para a execución da instalación eléctrica de acordo co recollido no artigo 155 do Real decreto 1955/2000, do 1 de decembro.
Oitava. A Administración reserva para si o dereito de deixar sen efecto a presente autorización por calquera das causas establecidas no artigo 34 do Decreto 1755/1967, do 22 de xullo, sobre réxime de instalación, ampliacións e traslado de industrias, ou por incumprimento das condicións impostas.
Novena. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución que non é definitiva en vía administrativa, poderase interpoñer recurso de alzada perante o conselleiro de Economía e Industria da Xunta de Galicia, no prazo dun mes contado a partir do día seguinte ao da súa notificación, de conformidade cos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 7 de marzo de 2014
Ángel Bernardo Tahoces
Director xeral de Enerxía e Minas