M. Socorro Bazarra Varela, secretaria xudicial da Sección Primeira da Sala do Social do Tribunal Superior de Xustiza de Galicia, fai saber que no procedemento recurso de suplicación 2366/2012 desta Sección, seguido por instancia de Ana Mary Fernández Guerra contra Instituto Nacional da Seguridade Social, Tesouraría Xeral da Seguridade Social, Áridos Ecológicos, S.L.U., Mutua Fremap, Mutua de Accidentes de Traballo Fraternidad-Muprespa, Cortes Derribos y Excavaciones, S.A., sobre incapacidade temporal, se ditou sentenza con data do 17 de marzo de 2014, cuxa parte dispositiva é como segue:

«Resolvemos declarar a inadmisión do recurso de suplicación interposto por Ana Mary Fernández Guerra, contra a sentenza do Xulgado do Social número 2 de Pontevedra con data do 18 de xaneiro de 2012 (autos 367/2010).

Incorpórese o orixinal desta sentenza, pola súa orde, ao libro de sentenzas deste Tribunal Superior de Xustiza de Galicia, Sala do Social.

Modo de impugnación. Fáiselles saber ás partes que contra esta sentenza cabe interpor recurso de casación para a unificación de doutrina, que se debe preparar mediante escrito presentado ante esta Sala do Social dentro do improrrogable prazo dos dez días hábiles inmediatos seguintes á data de notificación desta sentenza. Se o recorrente non tiver a condición de traballador ou beneficiario do réxime público da seguridade social, deberá consignar a cantidade de 600 euros en concepto de depósito para recorrer, na conta de consignacións desta sala, aberta en Banesto co número 1552, debendo indicar no campo concepto “Recurso”, seguida do código “35 Social casación”. Se o ingreso se fai mediante transferencia bancaria, deberá incluír, tras a conta referida, separados por un espazo, o código “35 Social casación”. Se efectúa diversos pagamentos na mesma conta, deberá especificar un ingreso por cada concepto, mesmo se corresponden a outros recursos da mesma ou distinta clase, indicando no campo de observacións a data da resolución contra a cal se recorreu, utilizando o formato dd/mm/aaaa. Quedan exentos do seu aboamento, en todo caso, o Ministerio fiscal, o Estado, as comunidades autónomas, as entidades locais e os organismos autónomos dependentes deles.

Así, por esta nosa sentenza, pronunciámolo, mandámolo e asinámolo».

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

E para que sirva de notificación en forma a Áridos Ecológicos, S.L.U. e a Cortes Derribos y Excavaciones, S.A.

A Coruña, 17 de marzo de 2014

A secretaria xudicial