Mediante Resolución da Alcaldía 37/2014 procedeuse a aprobar as bases e a convocatoria para cubrir en propiedade unha praza de operario de servizos múltiples incluída na oferta de emprego público do Concello de Malpica de Bergantiños para o ano 2011 e vacante no cadro de persoal laboral fixo do Concello de Malpica de Bergantiños, coas seguintes características:
|
Nº |
Denominación praza |
Grupo de cotización á Seguridade Social-categoría profesional |
|
1 |
Operario servizos múltiples |
10 peón |
As citadas bases que rexerán a selección foron publicadas no BOP da Coruña nº 27, do 10 de febreiro de 2014, con corrección material de erros mediante Resolución da Alcaldía 64/2014, publicada no BOP da Coruña nº 41, do 28 de febreiro.
Segundo a base 4ª, o prazo de presentación de instancias será de vinte (20) días naturais contados desde o seguinte ao da publicación da convocatoria no Boletín Oficial del Estado.
Segundo a base 7ª, o sistema de selección será o de concurso-oposición.
Os sucesivos anuncios referentes a esta convocatoria (excepto o preceptivo no BOE mencionado anteriormente), cando procedan de conformidade coas bases, faranse públicos no Boletín Oficial da provincia da Coruña e no taboleiro de anuncios do concello.
Malpica de Bergantiños, 5 de marzo de 2014
Miguel A. Fernández Mirás
Alcalde en funcións