Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 52 Luns, 17 de marzo de 2014 Páx. 11383

V. Administración de xustiza

Tribunal Superior de Xustiza de Galicia (Sala do Social)

EDICTO (6142/2011).

Mª Socorro Bazarra Varela, secretaria xudicial da Sección 1ª da Sala Segunda do Social do Tribunal Superior de Xustiza da Coruña, fago saber que no procedemento recurso de suplicación 6142/2011 desta sección, seguido por instancia de Pablo Ferro Rey contra a empresa Instituto Nacional da Seguridade Social, Tesouraría Xeral da Seguridade Social, Obras Frío y Maquinaria, S.L., Mutua Fremap sobre recarga de accidente, ditouse a seguinte resolución:

«Decidimos.

Desestimamos o recurso de suplicación interposto por Pablo Ferro Rey contra a sentenza con data do 22 de setembro de 2011, ditada polo Xulgado do Social número 1 dos de Pontevedra, en proceso sobre recarga de prestacións, iniciado a instancia do recorrente contra o INSS, TGSS, Obras Frío y Maquinaria, S.L. e Mutua Fremap, e confirmamos a sentenza de instancia.

Incorpórese o orixinal desta sentenza, pola súa orde, ao Libro de sentenzas deste Tribunal Superior de Xustiza de Galicia, Sala do Social.

Modo de impugnación: faise saber ás partes que, contra esta sentenza, cabe interpoñer recurso de casación para a unificación de doutrina que debe prepararse mediante escrito presentado ante esta sala do social dentro do improrrogable prazo de dez días hábiles inmediatos seguintes á data de notificación desta sentenza. Se o recorrente non tiver a condición de traballador ou beneficiario do réxime público de Seguridade Social deberá consignar a cantidade de 600 euros en concepto de depósito para recorrer, na conta de consignacións desta sala aberta en Banesto co nº 1552 debendo indicar no campo concepto, “Recurso” seguida do código “35 Social Casación”. Se o ingreso se fai mediante transferencia bancaria deberá incluír tras a conta referida, separados por un espazo, o código “35 Social Casación”. Se efectuase diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.

Así, por esta nosa sentenza, pronunciámolo, mandámolo e asinámolo».

Advírtese á parte en ignorado paradoiro que, a partir deste momento, se lle efectuarán as notificacións en estrados, salvo que se trate de autos, sentenzas ou localizacións, de acordo co prevido no artigo 59 da Lei de procedemento laboral.

E para que así conste, para os efectos da súa publicación no DOG da provincia, co fin de que sirva de notificación en forma a Obras Frío y Maquinaria, S.L., coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de localización, expido e asino o presente edicto.

A Coruña, 25 de febreiro de 2014

A secretaria xudicial