O acordo de concentración parcelaria da zona de Ramil (Castro de Rei-Lugo) foi aprobado pola Dirección Xeral de Desenvolvemento Rural o 14 de xullo de 2010, foi publicado na forma legalmente prevista na lexislación vixente e, na actualidade, encóntrase pendente de firmeza.
Con posterioridade a estes actos o Concello de Castro de Rei solicita a cesión da titularidade do predio nº 103 para aparcadoiro.
Visto o informe favorable da Xunta Local da Zona, a Lei de reforma e desenvolvemento agrario, do 12 de xaneiro de 1973, a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro, a Lei 6/2011, do 13 de outubro, de mobilidade de terras, a Lei 30/1992, do 26 de noviembre, de réxime xurídico das administracións públicas e do procedemento administrativo común, na súa redacción segundo a Lei 4/1999, do 13 de xaneiro, e demais disposicións legais vixentes de aplicación ao caso.
Á vista de que o destino para o que se solicita o predio nº 103 é perfectamente subsumible no suposto recollido no artigo 32 da antedita lei galega, esta dirección xeral
resolve:
1º. Modificar o acordo de concentración parcelaria da zona de Ramil (Castro de Rei-Lugo) e adxudicar ao Concello de Castro de Rei a titularidade do predio nº 103, que causa baixa no Fondo de terras da zona, para ser destinado a aparcadoiro.
2º. Transcorridos cinco anos desde a cesión da titularidade sen que o predio fose destinado ao fin para o que é adxudicado, a titularidade do referido predio reverterá ao Fondo de terras da zona, ao Patrimonio da Comunidade Autónoma, á Axencia Galega de Desenvolvemento Rural (Agader) ou a outra entidade que corresponda, segundo o caso.
Contra esta resolución pódese interpoñer recurso de alzada ante a conselleira do Medio Rural e do Mar no prazo dun mes contado a partir do día seguinte a aquel en que sexa publicada no Diario Oficial de Galicia.
Lugo, 24 de febreiro de 2014
José Ramón Losada Fernández
Xefe territorial de Lugo