Aprobado o expediente de contratación da xestión mediante concesión da explotación, mantemento e conservación do Centro de Desenvolvemento Rural propiedade deste Concello, sito en Fonte da Cova (Carballeda de Valdeorras); por medio do presente anuncio efectúase convocatoria para a súa adxudicación en procedemento aberto, tramitación ordinaria e con varios criterios de adxudicación:
1. Entidade adxudicadora.
a) Organismo: Concello de Carballeda de Valdeorras.
b) Dependencia que tramita o expediente: Secretaría do Concello.
2. Obxecto do contrato.
a) Descrición do obxecto: xestión na modalidade de concesión da explotación, mantemento e conservación do Centro de Desenvolvemento Rural propiedade deste concello, sito en Fonte da Cova (Carballeda de Valdeorras).
b) Prazo de execución (duración do contrato): período inicial de cinco anos, con posibilidade de prórroga por outro período de cinco anos.
c) Execución de obras que comprende o contrato: no contrato non se prevé a execución de obras específicas; si comprende o obxecto do contrato, o compromiso do adxudicatario de destinar en cada anualidade de vixencia do contrato a cantidade mínima de 12.000 €, incluído IVE, para realización de obras de mellora das instalacións; a contratación das devanditas obras de mellora (xa definidas inicialmente na documentación técnica que figura no expediente de contratación) efectuaraa en cada anualidade de vixencia do contrato o Concello ou o adxudicatario, con autorización expresa do Concello.
3. Tramitación e procedemento de adxudicación.
a) Tramitación: ordinaria.
b) Procedemento: aberto.
4. Canon de explotación: establécese un canon de explotación mínimo de 300 €/ano máis IVE. Forma parte do orzamento de licitación o compromiso de destinar en cada anualidade de vixencia do contrato a cantidade mínima de 12.000 €, incluído IVE, para sufragar o custo de execución de obras de mellora das instalacións.
5. Criterios de adxudicación.
– Por cada 100 €, sen incluír IVE, de incremento do canon anual establecido: 1 punto.
– Por cada 1.000 €, incluído IVE, de incremento do compromiso de investimento mínimo para ser destinado á execución de obras de mellora das instalacións: 10 puntos.
– Pola valoración do proxecto ou modo de xestión proposto, tendo en consideración a experiencia en establecementos de hostalaría, poderanse outorgar ata un máximo de 3 puntos.
6. Garantía provisional: non se exixe.
7. Obtención de documentación e información: Concello de Carballeda de Valdeorras, estrada de Éntoma, nº 54, Sobradelo de Valdeorras (Ourense). Teléfono: 988 33 50 02. Fax: 988 33 53 79. Correo electrónico: administración@concellocarballedavaldeorras.com
– Data límite de obtención de documentación: 15 días contados a partir do día seguinte ao de publicación no perfil do contratante (http:www.depourense.es), e no BOP de Ourense e no DOG.
8. Requisitos específicos do contratista: solvencia económica e financeira, e solvencia técnica, que se acreditará, por calquera dos medios previstos nos artigos 75 (para a solvencia económica e financeira), e 78 e 79 (para a solvencia técnica ou profesional) do texto refundido da Lei de contratos do sector público.
9. Presentación de ofertas.
a) Data límite de presentación: 15 días contados a partir do día seguinte ao da publicación do anuncio de licitación no Boletín Oficial da provincia, no DOG e no perfil do contratante (http:www.depourense.es).
b) Documentación que hai que presentar e que integra as ofertas: a prevista no prego de condicións.
c) Lugar de presentación: Rexistro Xeral do Concello, das 9.00 ás 14.00 horas.
10. Apertura de ofertas: en acto público, no Salón de Plenos do Concello de Carballeda de Valdeorras, ás 12.00 horas do primeiro día hábil seguinte ao de finalización do prazo de presentación de ofertas. Se a data prevista coincide en sábado ou festivo, a Mesa constituirase o día seguinte hábil.
11. Gastos de anuncios: por conta do adxudicatario.
Carballeda de Valdeorras, 28 de febreiro de 2014
Mª Carmen González Quintela
Alcaldesa