Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 136/2012 deste xulgado do social, seguido por instancia da Fundación Laboral de la Construcción contra a empresa Manuel Jesús González Varela e o Fogasa, sobre ordinario, se ditou a seguinte resolución:

«Decido:

Admito a demanda formulada pola Fundación Laboral de la Construcción fronte á empresa Manuel Jesús González Varela, polo que condeno a empresa demandada a aboarlle á demandante a cantidade de 152,34 euros polo concepto recollido no artigo 111.4 do Convenio xeral do sector da construción correspondente ao período de xaneiro de 2009 a decembro de 2009, incluída a correspondente recarga por demora. Todo iso con absolución do Fogasa. E, por último, con imposición das custas do proceso á parte demandada incluídos os honorarios de letrado ou graduado social ata o límite de 600 euros.

Notifíquese ás partes e advírtase que contra esta sentenza non cabe interpoñer recurso ningún, ao abeiro do disposto no artigo 191 da LRXS.

Así por esta a miña sentenza, pronúncioo, mándoo e asínoo.

Publicación. Lida e publicada foi a anterior sentenza polo maxistrado que a ditou, estando celebrando audiencia pública no día da data, do que dou fe».

E para que sirva de notificación en legal forma á empresa Manuel Jesús González Varela expido o presente edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 18 de febreiro de 2014

O secretario xudicial