M. Socorro Bazarra Varela, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fago saber que no procedemento de recurso suplicación 3079/2012 desta sección, seguido por instancia de Enrique Bouzo Rocha contra a empresa Fogasa; Taguive, S.L.; Fibras de Madera, S.A., Admón. Concursal Taguive, S.L. e Industrias de Tableros de Valga, S.A. (Intavalsa), sobre resolución de contrato, no recurso de casación para unificación de doutrina 281/2012, a Sala do Social do Tribunal Supremo, con data do 19.11.2013, ditou auto cuxa parte dispositiva é do teor literal seguinte:
«A Sala acorda: declarar a inadmisión do recurso de casación para unificación de doutrina interposto polo letrado Alfonso José López Fernández, en nome e representación de Enrique Bouzo Rocha, contra a sentenza ditada pola Sala do Social do Tribunal Superior de Xustiza de Galicia do 15 de outubro de 2012, no recurso de suplicación número 3079/2012, interposto por Enrique Bouzo Rocha, fronte á sentenza ditada polo Xulgado do Social número 3 dos de Vigo, do 30 de xaneiro de 2012, no procedemento nº 1202/2011, seguido por instancia de Enrique Bouzo Rocha contra Taguive, S.L.; Fibras de Madera, S.A.; Industrias de Tableros de Valga, S.A. e o Fondo de Garantía Salarial, sobre rescisión de contrato.
Declárase a firmeza da sentenza contra a que se recorre, sen imposición de custas á parte que recorre.
Contra este auto non cabe recurso ningún.
Devólvanse os autos de instancia e a peza de suplicación á Sala do Social do Tribunal Superior de Xustiza de procedencia con certificación desta resolución e comunicación.
E para que lle sirva de notificación en forma a Fibras de Madera, S.A., expido este edicto.
A Coruña, 7 de febreiro de 2014
A secretaria xudicial