Secretaria: M. Asunción Barrio Calle.

Tipo e número de recurso: recurso de suplicación 4134/2011.

Xulgado de orixe/autos: demanda 925/2010 Xulgado do Social número 5 da Coruña.

Recorrente: Instituto Nacional da Seguridade Social.

Avogado: Servizo Xurídico Seguridade Social (Provincial).

Recorridos: Tesouraría Xeral da Seguridade Social, Montajes e Instalaciones Coruñesas de la Madera, S.L., Mutua Midat Cyclops.

Avogados: Servizo Xurídico Seguridade Social (Provincial), (…), Luis Manuel Rodero Díaz.

M. Asunción Barrio Calle, secretaria xudicial da Sección 1 desta Sala do Social do Tribunal Superior de Xustiza da Coruña, fago saber que no procedemento de recurso de suplicación 4134/2011 desta sección, seguido por instancia do Instituto Nacional da Seguridade Social contra a empresa Tesouraría Xeral da Seguridade Social, Montajes e Instalaciones Coruñesas de la Madeira, S.L., Mutua Midat Cyclops, sobre reintegro de prestacións, se ditou resolución cuxa parte dispositiva é a seguinte:

«Ditaminamos: que debemos desestimar e desestimamos o recurso interposto pola letrada da Administración da Seguridade Social, en nome e representación do INSS, contra a sentenza de data do 15 de abril de 2011 ditada polo Xulgado do Social número 5 dos da Coruña no proceso promovido pola demandante Mutua Midat Cyclops contra a empresa Montajes e Instalaciones Coruñesas de la Madera, S.L. e outros, e debemos confirmar e confirmamos integramente os pronunciamentos que o ditame impugnado contén.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta sala do social, dentro dos dez días seguintes á notificación desta sentenza e de acordo co disposto nos artigos 218 e seguintes da Lei reguladora da xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no banco Banesto, número 1552 0000 80 (nº de recurso) (dúas últimas cifras do ano).

– O depósito de 600 euros na c/c desta sala número 1552 0000 37 (nº de recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, o pronunciamos, mandamos e asinamos».

E para que sirva de notificación en legal forma a Montajes e Instalaciones Coruñesas de la Madera, S.L., en ignorado paradoiro, expido a presente para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 10 de febreiro de 2014

A secretaria xudicial