Intentada a notificación persoal e devolta polo servizo de Correos ao resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, por esta cédula notifícaselle á empresa que se relaciona a resolución recaída no expediente sancionador correspondente.

Expediente: RL 2013/0215-4.

Acta: I362013000071416.

Empresa: Construcciones Moldes y Moldes, S.L.

NIF: B-36168078.

Enderezo: avenida de Chancelas. Combarro, 22, Poio.

Materia: seguridade e saúde.

Preceptos infrinxidos: artigos 14.2 e 17.1 da Lei 31/1995, do 8 de novembro, e anexo IV, parte C, 3.b) e artigo 11.1.c) do Real decreto 1627/1997, do 24 de outubro, e anexo II, 4.3.1, 4.3.4 e 4.3.5 do Real decreto 1215/1997, do 18 de xullo.

Preceptos sancionadores: artigos 12.16.f), 12.16.b), 39.3.d) e 40.2.b) do Real decreto lexislativo 5/2000, do 4 de agosto.

Data da resolución: 10.1.2014.

Resolución: multa de 9.000 €.

Fáiselle saber á interesada que pode formular recurso de alzada, perante o director xeral de Traballo e Economía Social, no prazo dun mes contado desde o día seguinte ao da súa publicación, de acordo co previsto no artigo 114 e seguinte da Lei 30/1992, do 26 de novembro. Advírteselle que, de non interpoñelo no tempo e na forma que procedan, deberá aboar a multa imposta mediante a necesaria utilización do impreso que poderá solicitar na Xefatura Territorial de Vigo da Consellería de Traballo e Benestar, no número de conta e na entidade bancaria e prazo que nel se sinala, xa que, noutro caso, se incoará o procedemento pola vía de constrinximento ante a Consellería de Facenda.

Vigo, 11 de febreiro de 2014

María Peón Fernández
Xefa territorial de Vigo