Antonio Pérez Fernández interpuxo recurso contencioso-administrativo, que se tramita como procedemento abreviado 6/2014 no Xulgado do Contencioso-Administrativo núm. 2 de Santiago de Compostela.

O recurso contencioso-administrativo diríxese contra a Orde do 16 de outubro de 2013 do conselleiro de Cultura, Educación e Ordenación Universitaria, publicada no Diario Oficial de Galicia do 4 de novembro, pola que se convoca concurso de traslados entre persoal funcionario docente dos corpos de catedráticos e profesores de ensino secundario, escolas oficiais de idiomas, música e artes escénicas, artes plásticas e deseño, profesores técnicos de formación profesional, mestres de taller de artes plásticas e deseño, mestres, inspectores ao servizo da Administración educativa e inspectores de educación. En concreto, o dito recurso contencioso-administrativo diríxese contra as epígrafes 1.2.1 e 4.2 do baremo de méritos que se recolle no anexo XIV desa orde, por canto non se computa naqueles os servizos prestados como profesor numerario dos institutos politécnicos marítimo pesqueros.

De conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a través do presente anuncio notifícaselle a interposición do antedito recurso contencioso-administrativo, para xeral coñecemento de todas as persoas interesadas, que se emprazan para que poidan comparecer no Xulgado do Contencioso Administrativo número 2 de Santiago de Compostela, no prazo de 9 (nove) días, contados desde o día seguinte ao da publicación deste anuncio no Diario Oficial de Galicia.

Santiago de Compostela, 21 de febreiro de 2014

José Manuel Pinal Rodríguez
Director xeral de Centros e Recursos Humanos