De conformidade co disposto no artigo 15 da Lei 9/2007, do 13 de xuño, de subvencións de Galicia e no artigo 8 da Resolución do 20 de agosto de 2013, da Secretaría Xeral da Emigración, pola que se aproban as bases reguladoras das subvencións, en réxime de concorrencia non competitiva, para promover o autoemprego e a actividade emprendedora das persoas emigrantes retornadas e dos seus familiares na Comunidade Autónoma galega, e se convocan para o ano 2013, procédese á publicación das subvencións concedidas de contía igual ou superior a 3.000 euros.
Finalidade da subvención: as subvencións teñen como finalidade promover o retorno das persoas emigrantes e dos seus familiares a través do fomento do autoemprego e a actividade emprendedora das persoas emigrantes retornadas e dos seus familiares, subvencionando os gastos iniciais que leva consigo o seu establecemento como traballadores/as autónomos/as ou por conta propia ou como socios/as traballadores/as de sociedades laborais ou cooperativas de traballo asociado.
Norma reguladora: Resolución do 20 de agosto de 2013, da Secretaría Xeral da Emigración, pola que se aproban as bases reguladoras das subvencións, en réxime de concorrencia non competitiva, para promover o autoemprego e a actividade emprendedora das persoas emigrantes retornadas e dos seus familiares na Comunidade Autónoma galega, e se convocan para o ano 2013 (Diario Oficial de Galicia núm. 162, do 27 de agosto).
Aplicación orzamentaria: 04.30.312C.470.0 dos orzamentos xerais da Comunidade Autónoma galega para o ano 2013.
Crédito orzamentario: 50.000 euros.
Persoa beneficiaria da subvención de contía igual ou superior a 3.000 euros e importe da axuda concedida:
Persoa beneficiaria |
Importe concedido |
María Esther Noya Eiras |
4.000,00 € |
Santiago de Compostela, 21 de febreiro de 2014
Antonio Rodríguez Miranda
Secretario xeral da Emigración