Por Acordo do Pleno, que tivo lugar en sesión ordinaria o 31 de xaneiro de 2014, aprobouse definitivamente o Plan especial denominado infraestruturas en Cariño: saneamento na parroquia de Landoi. O que se publica para os efectos do artigo 92.2 da Lei 9/2002, do 30 de decembro, de ordenación urbanística e protección do medio rural de Galicia.
O expediente e o plan aprobado definitivamente están nas dependencias municipais á disposición de todos os cidadáns para a súa posta de manifesto e obtención de copias.
Contra este acordo, en aplicación do artigo 107.3 da Lei 30/1992, do 26 de novembro, de réxime xurídico das administracións públicas e do procedemento administrativo común, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, con sede na Coruña, no prazo de dous meses contados desde o día seguinte ao desta publicación, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Cariño, 7 de febreiro de 2014
Mª Purificación Seixido Gómez
Alcaldesa presidenta