O Pleno Municipal, en sesión realizada o día 23 de decembro de 2013, adoptou, entre outros, o seguinte acordo:
«Primeiro. Aprobar definitivamente o estudo de detalle para a ordenación de volumes e fixación de condicións estéticas dun equipamento docente na Sardiñeira, promovido polo Concello da Coruña.
Segundo. Ordenar o cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia, para procurar a entrada en vigor do estudo de detalle.
Terceiro. Notificarlles o acordo de aprobación definitiva aos titulares catastrais, ás áreas municipais de Licenzas e Disciplina Urbanística, Xestión do Solo, Sección de Patrimonio Urbanístico e ao promotor, a quen lle pedirán, ademais, que no prazo de dez (10) días presente en soporte informático a documentación aprobada para a súa incorporación ao Sistema de información xeográfico municipal.
Cuarto. Ordenar o dilixenciamento do estudo de detalle que consta no Servizo Municipal de Urbanismo.»
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 23 de xaneiro de 2014.
Este acordo pon fin á vía administrativa e contra este poderase interpor recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses contado a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de cualquera outro que se considere pertinente.
O estudo de detalle entrará en vigor aos quince días hábiles da publicación da normativa no Boletín Oficial da provincia (artigo 70.2 da Lei 7/1985, do 2 de abril, reguladora das bases do réxime local).
A Coruña, 23 de xaneiro de 2014
César de Jesús Otero Grille
Director de Urbanismo
