O Pleno da Corporación, en sesión ordinaria realizada o día 29 de xaneiro de 2014, acordou aprobar inicialmente o Plan xeral de ordenación municipal do Concello de Cabanas, redactado por UTE DVega Arquitectura, Territorio y Medioambiente, S.L. e Proyestegal, S.L., que inclúe como anexos a documentación relativa ao desenvolvemento do planeamento:

– Modificación puntual do Plan parcial do polígono de Vilar do Colo.

– PEONR M-1 nas Modias.

– Sector de solo urbanizable SUD-1.

Así como os seguintes convenios urbanísticos:

– Convenio asinado cos promotores para PEONR M-1 nas Modias.

– Convenio asinado cos promotores para sector de solo urbanizable SUD-1.

– Convenio asinado con Francisco López Allegue para cesión parcela en Irís.

– Convenio con BJ Promociones e Inversiones, S.L. no Día Oito.

– Convenio con Costa Ortegal, S.L. no Día Oito.

– Convenio con El Tejo del Arenal, S.L. no Día Oito.

De conformidade co previsto nos artigos 85.2 e 237.2 da Lei 9/2002, do 30 de decembro, de ordenación urbanística e protección do medio rural de Galicia, o dito documento aprobado inicialmente, cos anexos relativos a desenvolvemento do planeamento, convenios urbanísticos e documentación integrante do expediente, incluído o informe de sustentabilidade ambiental, sométense a un período de consultas e de exposición ao público polo prazo de dous meses, contados a partir do día seguinte ao da publicación deste anuncio no Diario Oficial de Galicia, durante o cal os interesados poderán proceder ao seu exame e presentar cantas alegacións consideren convenientes.

Durante o dito prazo, o documento aprobado inicialmente con seus anexos e convenios urbanísticos estará á disposición dos interesados no salón de sesións da antiga casa do concello, sita en Rúa do Concello, 4, de luns a venres, das 9.00 ás 14.00 horas. O expediente poderá examinarse na Secretaría do concello nas mesmas datas.

Así mesmo, de acordo co previsto no artigo 77.2 da Lei 9/2002, do 30 de decembro, e 118 e 120 do Regulamento de planeamento, aprobado polo Real decreto 2159/1978, do 23 de xuño, acordouse a suspensión do procedemento de outorgamento de licenzas polo prazo máximo de dous anos no ámbito do todo o termo municipal nas áreas en que as novas determinacións supoñan a modificación da ordenación urbanística vixente; en calquera caso, extinguirase coa aprobación definitiva do planeamento. Poderán concederse licenzas baseadas no réxime vixente sempre que respecten as determinacións do novo planeamento.

Cabanas, 5 de febreiro de 2014

Germán Castrillón Permuy
Alcalde