Neste concello tramítase expediente por instancia de Benito Vilarnovo Tarela, en representación de Renobat Galicia, S.L., para licenza de actividade de instalación de taller de reparación e mantemento de carretillas elevadoras que se situará na rúa Cimadevila, 85, soto, parroquia de Boiro. A actividade foi sometida ao Decreto 133/2008, do 12 de xuño, polo que se regula a avaliación de incidencia ambiental.

En cumprimento da lexislación vixente sobre actividades molestas, insalubres, nocivas e perigosas, exponse ao público polo prazo de vinte días mediante anuncio no Diario Oficial de Galicia e no Boletín Oficial da provincia para que quen se vexa afectado dalgún modo pola dita actividade presente as observacións que considere pertinentes.

O expediente obxecto desta información pódese consultar nas oficinas municipais en horario de oficina.

Boiro, 27 de xaneiro de 2014

Juan José Dieste Ortigueira
Alcalde