M. Asunción Barrio Calle, secretaria xudicial da Sección número 1 da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 3313/2011 desta sección, seguido por instancia de Eliseo Rey Conde contra a empresa Construcciones J. Durycar, S.L. e outros, sobre alta médica, se ditou a seguinte resolución:
«Resolvemos que, unha vez rexeitado o recurso de suplicación interposto polo demandante Eliseo Rey Conde contra a Sentenza do 11 de marzo de 2011, ditada polo Xulgado do Social número 2 de Santiago de Compostela, en autos 882/2008, en proceso sobre impugnación de alta médica e continxencia de incapacidade, promovido polo referido recorrente fronte ao Instituto Nacional da Seguridade Social, a Tesouraría Xeral da Seguridade Social, a mutua Ibermutuamur, o Servizo Galego de Saúde (Sergas), así como fronte á empresa Construcciones J. Durycar, S.L., debemos confirmar e confirmamos integramente a dita sentenza.
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento».
E para que así conste, para os efectos da súa publicación no Diario Oficial de Galicia co fin de que lle sirva de notificación en forma a Construcciones J. Durycar, S.L., con último domicilio coñecido en Rúa Nova, 18, de Pontecesures, expido e asino este edicto.
A Coruña, 5 de febreiro de 2014
A secretaria xudicial