María Isabel Freire Corzo, secretaria xudicial da Sala do Social do Tribunal Superior de Xustiza de Galicia, fago saber que no procedemento de recurso de suplicación 5338/2011 desta sección, seguido por instancia de Montserrat Alhambra Morollón contra Umivale Mutua de Accidentes de Trabajo y Enfermedad Profesionales S.S. nº 15, Instituto Nacional da Seguridade Social, Servizo Galego de Saúde e a entidade Simefer 50, S.C., sobre accidente, ditouse resolución cuxa parte dispositiva é a seguinte:
«Decidimos que, unha vez rexeitado o recurso de suplicación interposto por Montserrat Alhambra Morollón contra a Sentenza do 5 de setembro de 2011, do Xulgado do Social número 3 da Coruña, ditada en xuízo seguido por instancia da recorrente contra a Mutua de Accidentes de Trabajo y Enfermedades Profesionales de la Seguridad Social Umivale, o Servizo Galego de Saúde, o Instituto Nacional da Seguridade Social e a entidade mercantil Simefer 50, S.C., a sala confírmaa integramente.
Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra ela só cabe recurso de casación para a unificación de doutrina, que se preparará por escrito ante esta Sala do Social, dentro dos dez días seguintes á notificación desta sentenza e de acordo co disposto na Lei de xurisdición social. Se a recorrente non estiver exenta de depósito e consignación para recorrer, deberá ingresar:
– A cantidade obxecto de condena na c/c desta sala no banco Banesto nº 1552 0000 80 (nº recurso) (dúas últimas cifras do ano).
– O depósito de 600 euros na c/c desta sala no banco Banesto nº 1552 0000 37 (nº recurso) (dúas últimas cifras do ano).
Unha vez firme, expídase certificación para constancia na peza que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.
Así, por esta nosa sentenza, pronunciámolo, mandámolo e asinámolo».
E para que lle sirva de notificación en legal forma a Simefer 50, S.C., en paradoiro ignorado, expido este edicto para a súa inserción no Diario Oficial de Galicia.
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 24 de xaneiro de 2014
A secretaria xudicial