De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle á persoa que se cita a continuación a incoación ditada pola Área Provincial de Turismo de Pontevedra no expediente sancionador en materia de turismo número PO-S-64/2013, por infracción administrativa da Lei 7/2011, do 27 de outubro, de turismo de Galicia, xa que, intentada polos medios habituais, non se puido efectuar.

Concédese un prazo de quince días, de conformidade cos artigos 3.2 e 16.1 do Real decreto 1398/1993, para que os interesados presenten as alegacións, documentos e información que estimen conveniente ou, de ser o caso, propoñan probas que concreten os medios dos cales se pretendan valer. Unha vez expirado o prazo sen formular alegacións, este acordo considerarase proposta de resolución, de acordo co disposto no artigo 13.2 do citado real decreto.

Expediente: PO-S-64/2013.

Titular sancionada: 2H, C.B. CIF E27735711.

Establecemento: Tapería 2H.

Enderezo: r/ Regueiro, 1, esq. paseo marítimo.

Concello: Nigrán.

Data da incoación: 19 de novembro de 2013.

Feitos imputados:

– Non dispoñer materialmente dos documentos exixidos pola normativa turística para o exercicio das actividades, así como non observar na dita documentación as condicións exixidas.

– Non comunicarlle á Administración da Xunta de Galicia os cambios ou as reformas non substanciais nos termos recollidos no artigo 43 ou facelo fóra dos prazos establecidos.

Preceptos infrinxidos: artigo 35 da Lei 7/2011, de turismo de Galicia.

Sanción proposta: 300 euros, de conformidade co establecido no artigo 114.a) da Lei 7/2011, de turismo de Galicia.

Pontevedra, 4 de febreiro de 2014

Mª Ángeles Herrero Pérez
Xefa da Área Provincial de Turismo de Pontevedra