De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle á persoa que se cita a continuación a proposta de resolución ditada pola Área Provincial de Turismo de Pontevedra no expediente sancionador en materia de turismo número PO-S-39/2013, por infracción administrativa da Lei 7/2011, do 27 de outubro, de turismo de Galicia, xa que, intentada polos medios habituais, non se puido efectuar.
Advírteselle á titular do establecemento denunciado que, de conformidade co artigo 18 do Real decreto 1398/1993, poderá presentar alegacións no prazo de quince días, contados desde a publicación desta proposta. Unha vez transcorrido o dito prazo, a Axencia Turismo de Galicia ditará a resolución definitiva que corresponda.
Expediente: PO-S-39/2013.
Titular interesada: Elena Suárez Rodríguez; DNI 52497532D.
Establecemento: Restaurante O Saboroso.
Enderezo: Camelias, nº 8.
Concello: Sanxenxo.
Data da proposta: 7 de outubro de 2013.
Feitos imputados: realización de actividades e prestación de servizos turísticos sen que se presente a correspondente declaración responsable ou se obtivese a preceptiva autorización turística, se é o caso.
Preceptos infrinxidos: artigo 35 da Lei 7/2011, de turismo de Galicia.
Sanción proposta: 3.500 euros, de conformidade co establecido no artigo 110.1) da Lei 7/2011, de turismo de Galicia.
Pontevedra, 4 de febreiro de 2014
Mª Ángeles Herrero Pérez
Xefa da Área Provincial de Turismo de Pontevedra