Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avenida de Arteixo, 171, 15007 A Coruña.
Denominación: LMTS, CT rúa San Francisco, 28.
Situación: concello de Muros.
Características técnicas:
Liña de media tensión subterránea (LMTS) a 20 kV, cunha lonxitude de 180 m, con condutor tipo RHZ1-2 OL-12/20 kV. 3(1×240) mm² Al, con orixe en arqueta existente na LMTS MU0804 Louro no tramo ao CT Sahorta (expediente IN407A 2002/202), e final en cela de liña do CT Sahorta, unha vez que entre e saia do centro de transformación proxectado con acceso desde a rúa Sahorta de Abaixo.
Centro de transformación (CT) non prefabricado, con transformador de potencia de 250 kVA, e unha relación de transformación de 20/0,400-0,230 kV.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao medio ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución. Tamén se poderá interpor calquera outro recurso que se considere pertinente.
A Coruña, 17 de xaneiro de 2014
Susana Vázquez Romero
Xefa territorial da Coruña