Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 850/2013 por instancia de Mónica Seijas Pérez contra Mercacurtis, S.L. e o Fondo de Garantía Salarial, sobre despedimento, nos cales se ditou auto de aclaración da sentenza o 21.1.2014 que, copiado nos particulares necesarios, di así:
«Auto.
Parte dispositiva.
A súa señoría acorda que procede a aclaración solicitada e, en consecuencia, o último parágrafo do fundamento de dereito cuarto e a resolución quedarán do teor literal seguinte:
Todo iso fai un total de 5.947,59 euros en concepto de indemnización e 7.520,49 euros en concepto de salarios pendentes de pagamento.
Resolución:
Estímase parcialmente a demanda formulada por Mónica Seijas Pérez fronte a Mercacurtis, S.L. e, en consecuencia:
– Declárase extinguida na data da presente a relación laboral que une a demandante coa empresa Mercacurtis, S.L.
– Condénase a empresa Mercacurtis, S.L. a aboar á demandante a cantidade de cinco mil novecentos corenta e sete con cincuenta e nove céntimos de euro (5.947,59 euros) en concepto de indemnización e da cantidade de sete mil cincocentos vinte con corenta e nove céntimos de euro (7.520,49 euros) en concepto de salarios debidos.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado ou graduado social colexiado, ou representante, dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
Así o acorda e asina a súa señoría. Dou fe».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Mercacurtis, S.L. expido e asino a presente.
A Coruña, 23 de xaneiro de 2014
A secretaria xudicial