A directora da Axencia de Protección da Legalidade Urbanística acordou, o 3 de decembro de 2013, incoar o expediente de reposición da legalidade urbanística LUG/36/2013 polas obras realizadas en solo rústico, consistentes na instalación dunha caseta metálica, na instalación dun depósito de auga, na execución dunha placa de formigón e no depósito de materiais e ferramentas e maquinaria de construción no lugar da Pudia, Vilaframil, no termo municipal de Ribadeo.

Ao non poderse realizar a notificación persoal daquel acordo a María Rodríguez Rañón, en calidade de propietaria do terreo onde se levan a cabo as ditas obras, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle á interesada o devandito acordo.

Tendo en conta que, en atención ao previsto no artigo 61 da LRXPAC, o acto non se publica na súa integridade, comunícase á interesada que o texto íntegro do acordo que se notifica se encontra ao seu dispor nas dependencias da Axencia de Protección da Legalidade Urbanística, sitas no Edificio Witland, 1º andar, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

A interesada dispón dun prazo de 15 días, contados a partir do día seguinte a aquel en que se producise a notificación desta cédula, para presentar as alegacións, documentos ou informacións que considere pertinentes e, se é o caso, propor proba concretando os medios de que pretenda valerse.

Para que conste e sirva de notificación á citada interesada, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 22 de xaneiro de 2014

María Martínez Allegue
Directora da Axencia de Protección da Legalidade Urbanística