O Concello Pleno, en sesión extraordinaria do 20 de decembro de 2013, acordou, entre outros, o seguinte. Faise constar que con esta mesma data se remitiu a documentación establecida no artigo 92 da Lei 9/2002 á Consellería de Medio Ambiente, Territorio e Infraestruturas:

– Resolver as alegacións presentadas e aprobar definitivamente o estudo de detalle do POL-17 A Ponte Pasaxe, en Perillo-Oleiros (exemplar nº 15938, do 21.11.2013).

Contra este acordo, que pon fin á vía administrativa, poderá interpor recurso contencioso-administrativo, ante o xulgado ou Sala do Contencioso-Administrativo do Tribunal Superior de Xustiza de Galicia, de conformidade cos artigos 8, 9 e 10 da Lei 29/1998, do 13 de xullo, reguladora da xurisdición contencioso-administrativa, no prazo de dous meses. Previa e potestativamente, poderase interpor recurso de reposición, de conformidade co artigo 116 da Lei 30/1992, no prazo dun mes. Tamén poderá interpor o recurso extraordinario de revisión cando concorra algunha das circunstancias previstas no artigo 118 da Lei 30/1992, do 26 de novembro, de réxime xurídico das administracións públicas e do procedemento administrativo común, nos prazos establecidos no punto 2 do mesmo artigo 118. Todo isto, sen prexuízo do dereito dos interesados a formularen a solicitude e a instancia a que se refiren os artigos 102.1) e 105.2) da dita lei.

Oleiros, 14 de xaneiro de 2014

Ángel García Seoane
Alcalde presidente