Aprobada a creación do ficheiro de datos de carácter persoal na asemblea xeral extraordinaria da Federación Galega de Tiro con Arco, que tivo lugar o 26 de decembro de 2013, de conformidade co previsto no artigo 20 da Lei orgánica 15/1999, do 13 de decembro, de protección de datos de carácter persoal, e nos artigos 52 a 54 do Real decreto 1720/2007, do 21 de decembro, procédese ao anuncio da aprobación da disposición xeral que crea o ficheiro denominado Federados, que inclúe no seu anexo o seguinte contido: identificación, finalidade, usos previstos, orixe e tipoloxía dos datos, estrutura, sistema de tratamento, comunicacións, nivel de seguridade, órgano responsable e persoa ante a cal poden exercer os dereitos de acceso, rectificación, cancelación e oposición. Ao tratarse dun ficheiro de datos de carácter persoal de titularidade pública, a Federación Galega de Tiro con Arco notificará á Axencia Española de Protección de Datos a creación deste ficheiro para a súa inscrición no Registro Xeral de Protección de Datos no prazo de trinta días desde a publicación deste anuncio.

Lugo, 13 de xaneiro de 2014

Jorge Mato Posse
Presidente da Federación Galega de Tiro con Arco