Advertido erro na dita resolución publicada no Diario Oficial de Galicia número 247, do 27 de decembro de 2013, cómpre realizar as seguintes correccións:

Na páxina 50344, no primeiro punto da resolución, terceiro parágrafo, onde di: «O marco financeiro que agora se aproba consigna un menor importe na anualidade 2013; a parte non autorizada dos fondos retén o crédito ao tempo que establece os importes para as anualidades 2014 e 2015», debe dicir: «O marco financeiro que agora se aproba consigna un menor importe na anualidade 2013, na que se retén o crédito da parte non autorizada dos fondos, ao tempo que establece os importes para as anualidades 2014 e 2015».

Na páxina 50418, artigo 50.5, onde di: «Centros sociais e o seu acondicionamento e equipamento. Só serán subvencionables proxectos en centros de uso aberto á poboación en xeral, sendo a axuda máxima de 50.000 € por proxecto. Non serán subvencionables os investimentos en centros sociais»; suprímese a última frase: «Non serán subvencionables os investimentos en centros sociais».