A Consellería do Medio Rural e do Mar publicou a Orde do 5 de xuño de 2013 que convocaba para 2013 as axudas para a realización de proxectos piloto (DOG número 114, do 17 de xuño) en virtude do Regulamento (CE) nº 1198/2006 do Consello, do 27 de xullo, relativo ao Fondo Europeo de Pesca (FEP).
O artigo 2 da devandita orde establece o carácter plurianual destas axudas, de acordo co seguinte:
Anualidade 2013: 720.000 €.
Anualidade 2014: 1.700.000 €.
Anualidade 2015: 1.000.000 €.
Tendo en conta as especiais circunstancias que dificultaron a tramitación destas axudas e que a dotación actual das anualidades non se corresponde coa concesión das axudas prevista, cómpre reaxustar a dotación orzamentaria consignada inicialmente para a concesión das mencionadas axudas sen variar o importe total da orde.
Por todo isto, e de acordo co disposto no artigo 30.1º.3 do Estatuto de autonomía de Galicia, e en uso da competencia que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Artigo único. Modifícase o artigo 2, punto 1, da Orde do 5 de xuño de 2013, de convocatoria de axudas para o ano 2013 para a realización de proxectos piloto, que queda redactado como segue:
1. Para o ano 2013 as axudas concederanse con cargo á aplicación orzamentaria 12.30.723A.780.2 da Lei de orzamentos xerais da Comunidade Autónoma de Galicia para ese ano, cun importe máximo de 3.420.000 euros, distribuídos nas seguintes anualidades:
Anualidade 2013: 342.000 €.
Anualidade 2014: 1.900.000 €.
Anualidade 2015: 1.178.000 €.
Esta orde producirá efectos a partir do día seguinte ao da súa publicación no Diario Oficial de Galicia.
Santiago de Compostela, 31 de decembro de 2013
Rosa Mª Quintana Carballo
Conselleira do Medio Rural e do Mar