A directora da Axencia de Protección da Legalidade Urbanística resolveu, o 7 de novembro de 2013, declarar a caducidade do procedemento sancionador aberto a Antonio Sueiro Cameselle, por actuacións abusivas sen a preceptiva autorización autonómica dentro da servidume de protección do dominio público marítimo-terrestre, no lugar das Tomadas, no Hío, no termo municipal de Cangas (Pontevedra). Así mesmo, a directora da Axencia, o 22 de novembro de 2013, acordou incoar expediente sancionador e de restitución e reposición da legalidade a Antonio Sueiro Cameselle, polos feitos anteriormente sinalados.
Ao non poderse realizar a notificación persoal dos devanditos acordos, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícanselle ao interesado os devanditos acordos.
Tendo en conta que, en atención ao previsto no artigo 61 da LRXPAC os actos non se publican na súa integridade, comunícaselle ao interesado que o texto íntegro de ambos os acordos que se notifican encóntranse ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
En relación coa resolución de caducidade, infórmase que esta resolución pon fin á vía administrativa e contra ela o interesado pode interpoñer recurso de reposición no prazo dun mes, contado a partir do día seguinte a aquel en que se producise a notificación desta cédula, ante a directora da Axencia de Protección da Legalidade Urbanística, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
En relación co acordo de incoación, o interesado disporá dun prazo de 15 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que considere pertinentes e, se é o caso, propoñer proba concretando os medios de que pretenda valerse.
Para que conste e lle sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 26 de decembro de 2013
María Martínez Allegue
Directora da Axencia de Protección da Legalidade Urbanística
