Con data do 11 de novembro de 2013, a conselleira de Sanidade ditou resolución sobre a reclamación de responsabilidade patrimonial presentada por Antonio Pego Romero con data do 23 de marzo de 2012.
Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a Antonio Pego Romero o contido da referida resolución, que figura como anexo, para que poida ter coñecemento dela.
E, como consonte o artigo 61 da devandita Lei 30/1992, do 26 de novembro, a publicación da resolución de responsabilidade patrimonial pode lesionar dereitos ou intereses lexítimos, esta cédula limítase á publicación, como anexo, dunha breve indicación do contido do acto e do lugar onde o interesado poderá comparecer en prazo, para coñecemento do contido íntegro do devandito acto e constancia de tal coñecemento.
Así mesmo, lémbrolle que contra a resolución que se notifica, que pon fin á vía administrativa, de acordo co artigo 109 da Lei 30/1992, do 26 de novembro, poderá interpor recurso contencioso-administrativo, de acordo co que establece o artigo 14.1 regra segunda da Lei 29/1998, do 13 de xullo, reguladora da xurisdición contencioso-administrativa (modificada pola Lei 37/2011, do 10 de outubro, de medidas de axilización procesual). O prazo será de dous meses que se contarán desde o día seguinte ao da notificación, de conformidade co artigo 46 da referida Lei 29/1998.
A presente cédula expídese para que conste e lle sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro.
Santiago de Compostela, 26 de decembro de 2013
P.S. (Artigo 6.1.c) do Decreto 41/2013, do 21 de febreiro)
Ramón Martínez Blanco
Vicesecretario xeral da Consellería de Sanidade
ANEXO
Nº expediente: 284/12.
Reclamante: Antonio Pego Romero.
DNI/NIF: 33247443-T.
Último enderezo coñecido: rúa Cruceiro da Coruña, 14, 3, A, 15705 Santiago de Compostela.
Contido da notificación: considerar que Antonio Pego Romero desiste na reclamación de responsabilidade patrimonial presentada pola asistencia sanitaria prestada á súa nai, Emilia Romero Abeijón, no Complexo Hospitalario Universitario de Santiago.
Lugar de comparecencia: Secretaría Xeral Técnica da Consellería de Sanidade, Edificio Administrativo San Lázaro, 15703 Santiago de Compostela.
Prazo de comparecencia: 15 días.