En cumprimento do disposto no número 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese á información pública o expediente que se tramita a instancia de Gonzalo García Viador, que di actuar en representación de Repsol Butano, S.A., para a concesión de licenza de actividade para instalar un depósito de gas propano de 4.000 litros e dar subministración de gas a cinco vivendas no lugar de Gronzo, Brión.

Durante o prazo de vinte días, contados a partir do seguinte ao da última publicación deste edicto no Boletín Oficial da provincia da Coruña e no Diario Oficial de Galicia, o expediente atópase á disposición do público nas oficinas municipais co fin de que quen se considere afectado pola actividade poida examinalo e dilucidar, se é o caso, as alegacións ou observacións que considere convenientes.

Brión, 28 de outubro de 2013

José Luís García García
Alcalde