Número de autos: despedimento/cesementos en xeral 168/2013.

Demandante: Julio Pérez Baamonde.

Avogada: Adela Toribio-Rodríguez Redondo.

Demandados: Construcciones Vixoy, S.L., Fondo de Garantía Salarial.

María Jesús Hernando Arenas, secretaria xudicial do Xulgado do Social número 5 da Coruña, fago saber que no procedemento de despedimento/cesamentos en xeral 168/2013 deste xulgado do social, seguido por instancia de Julio Pérez Baamonde contra a empresa Construcciones Vixoy, S.L., Fondo de Garantía Salarial, sobre despedimento, se ditou sentenza cuxo ditame di:

«Que debo estimar e estimo a demanda que en materia de despedimento foi interposta por Julio Pérez Baamonde contra a entidade Construcciones Vixoy, S.L. e a súa administración concursal e, en consecuencia, debo declarar e declaro improcedente o despedimento de que o demandante foi obxecto en data do 21 de decembro de 2012, con efectos do 31 de decembro de 2012, e debo declarar e declaro extinguida a relación laboral que unía as partes, desde a data da presente resolución, ao cesar na súa actividade a anterior entidade, e condeno a entidade Construcciones Vixoy, S.L. ao aboamento dunha indemnización por despedimento a razón de 21.644,32 €.

Coa intervención procesual do Fondo de Garantía Salarial.

Notifíqueselles a presente resolución ás partes facéndolles saber o seu dereito a interpor contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtaselle ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social na conta aberta na entidade Banesto, a nome deste xulgado, co número 47570000, código 36 e número de expediente, acreditándoo mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso no momento de anuncialo. Así, por esta a miña sentenza, o pronuncio, mando e asino».

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

E para que lle sirva de notificación á empresa Construcciones Vixoy, S.L., en ignorado paradoiro, expido e asino o presente edicto.

A Coruña, 12 de decembro de 2013

A secretaria xudicial