Estase a tramitar unha modificación substancial da concesión administrativa outorgada ao Club Marítimo Carrumeiro con destino á construción do local almacén e instalación de bar nunha dependencia do local en cuestión, para ampliación de ocupación de superficie de dominio público portuario e uso de depósito de embarcacións no porto de Corcubión, segundo o proxecto básico para a tramitación da ampliación da concesión administrativa de ocupación de dominio público portuario do Club Náutico de Corcubión, con reordenación de usos (zona social, almacén, varada de embarcacións e escola de vela), redactado no mes de xuño de 2013 pola arquitecta Carmen Vázquez Rodríguez (colexiada nº 2130).
O que se fai público, para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional, 5, 1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web www.portosdegalicia.com
A Coruña, 14 de novembro de 2013
Lorena Solana Barjacoba
Enxeñeira xefa da Zona Centro de Portos de Galicia