Dada conta do Plan de sectorización no sector SAUI-5E de xullo de 2013, redactado por Ceinsa e promovido por José Míguez de la Iglesia e María Consolación Rey Alvarellos, localízase a actuación prevista no lugar do Espírito Santo. Mediante Decreto da Alcaldía 1754/2013, do 12.11.2013, o dito documento foi aprobado inicialmente con observacións. Consonte o previsto no artigo 86 da Lei 9/2002, do 30 de decembro, de ordenación urbanística e protección do medio rural de Galicia, acordouse a súa exposición ao público polo prazo dun mes, contado a partir do día seguinte ao da súa publicación no Diario Oficial de Galicia, co fin de que os interesados poidan examinalo, no Servizo de Urbanismo do Concello de Sada, situado na avenida do Porto, nº 24, e presentar no dito prazo cantas alegacións e suxestións xulguen oportunas.
Sada, 27 de novembro de 2013
Ernesto Anido Varela
Alcalde