Pedro Seco Rañó solicitou desta alcaldía licenza municipal para taller de reparación de automóbiles, en Cuvide (Taragoña). En cumprimento do disposto no punto 3 do artigo 8, do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte días hábiles, co fin de que durante este, que empezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia, poidan examinar o expediente, na Secretaría deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Rianxo, 2 de decembro de 2013

Adolfo Muíños Sánchez
Alcalde