Convocada a provisión polo sistema de libre designación dun posto de traballo vacante no Instituto Galego da Vivenda e Solo pola Orde do 21 de outubro de 2013 (DOG núm. 222, do 20 de novembro), de conformidade co establecido no artigo 29.2º e 30º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia; artigo 21 da Lei 15/2010, do 28 de decembro, de medidas fiscais e administrativas; artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e en uso das atribucións conferidas polo artigo 17.4º do referido decreto lexislativo,
RESOLVO:
Primeiro. Adxudicar destino no posto de traballo que se indica e seleccionar a persoa que se relaciona no anexo.
Segundo. O cesamento no destino actual da persoa que obteña praza producirase no prazo de tres días contados a partir do seguinte ao da data de publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ao do cesamento de tratarse da mesma localidade onde actualmente a persoa preste os seus servizos, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.
O cómputo dos prazos da toma de posesión iniciarase cando finalicen os permisos ou licenzas que, de ser o caso, fosen concedidos á persoa interesada. Nos supostos de baixa por incapacidade temporal iniciarase a partir da correspondente alta.
Terceiro. A xefatura do centro en que cause baixa a persoa, así como a daquel en que obteña praza, consignará no título administrativo dentro do prazo sinalado no punto anterior a correspondente dilixencia de cesamento e toma de posesión.
Cuarto. Contra esta orde, que esgota a vía administrativa, a persoa interesada poderá interpor recurso postestativo de reposición ante o conselleiro de Medio Ambiente, Territorio e Infraestruturas no prazo dun mes, contado a partir do día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, ou poderase interpor directamente recurso contencioso-administrativo ante o xulgado do contencioso-administrativo competente no prazo de dous meses contados a partir da mesma data, de acordo co establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 13 de decembro de 2013
Agustín Hernández Fernández de Rojas
Conselleiro de Medio Ambiente, Territorio e Infraestruturas
ANEXO
Nome e apelidos: Juan Carlos Forján Gómez.
NRP: 3280031413 A205H.
Subgrupo: A2.
Corpo/escala: corpo de xestión da Administración da Xunta de Galicia. Escala de xestión de sistemas de informática.
Denominación do posto: xefatura de servizo de Informática.
Nivel: 28.
Código do posto: MA.S02.00.000.15770.050.
Complemento específico: 13.698,72.
Centro directivo: Instituto Galego da Vivenda e Solo.
Localidade: Santiago de Compostela.
Observacións: órgano estatístico sectorial (Decreto 24/2008).
