De conformidade co disposto no artigo 15.1 da Lei 9/2007, do 13 de xuño, de subvencións de Galicia, e no artigo 22 da Resolución do 14 de xuño de 2013 pola que se establecen as bases reguladoras que rexerán as axudas para a realización, polas asociacións de nais e pais do alumnado nos centros educativos de Galicia sostidos con fondos públicos, de programas de actividades complementarias e extraescolares que teñan como fin facilitar a conciliación da vida familiar e laboral, cofinanciadas polo Fondo Social Europeo (FSE), procédese á publicación das subvencións que concedeu esta xefatura territorial con base na citada Resolución do 14 de xuño.

Finalidade da axuda: o impulso da igualdade de oportunidades entre mulleres e homes, co fin de reducir a segregación sexista en materia de emprego e reconciliar a vida laboral e privada, por exemplo facilitando o acceso aos servizos de coidado e atención de nenos e nenas. Con esta finalidade se recollen no eixe 2, tema prioritario 69, do programa operativo FSE Galicia 2007-3013, medidas para mellorar o acceso das mulleres ao mercado laboral, así como a súa participación e o seu progreso permanente no dito mercado.

Norma reguladora: Resolución do 14 de xuño de 2013 pola que se regulan as bases e se convocan axudas para a realización, polas asociacións de nais e pais do alumnado, nos centros educativos de Galicia sostidos con fondos públicos, de programas de actividades complementarias e extraescolares que teñan como fin facilitar a conciliación da vida familiar e laboral.

Crédito orzamentario: 39.893,61 €.

Partida orzamentaria: 05.11.312G.481.0, código de proxecto 2013 00168.

Entidades beneficiarias da subvención e importe concedido a cada unha delas: ver o anexo.

Ourense, 8 de novembro de 2013

Marisol Díaz Mouteira
Xefa territorial de Ourense

ANEXO

Crédito asignado: 39.892,67 €.

Axudas concedidas: