Con data do 4 de novembro de 2013, a instrutora do procedemento ditou proposta de resolución do expediente sancionador nº 2013112TA-LU, incoado na Xefatura Territorial da Consellería de Sanidade de Lugo á entidade Sociedade Deportiva Burela, titular do bar do Campo de Fútbol A Marosa.
Intentada a notificación da proposta de resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e ao abeiro do disposto no número 5 do referido artigo, notifícaselle á entidade Sociedade Deportiva Burela, titular do bar do Campo de Fútbol A Marosa, o contido da referida proposta de resolución, que figura como anexo, para que poida ter coñecemento dela.
Así mesmo, fáiselle saber o dereito que o asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de quince (15) días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias desta xefatura, sita na rúa Montevideo, nº 9, de Lugo, e a obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro
Lugo, 3 de decembro de 2013
Purificación Rivas Varela
Xefa territorial de Lugo
ANEXO
Nº expediente: 2013112TA-LU.
Denunciada: Sociedade Deportiva Burela, titular do bar do Campo de Fútbol A Marosa.
CIF: G27115153.
Último enderezo coñecido: A Marosa, s/n, 27880 Burela (Lugo).
Feitos imputados: infracción da lexislación aplicable en materia sanitaria.
Preceptos presuntamente infrinxidos: artigos 13.2.d) e 37.3.a) da Lei 2/1996, do 8 de maio, de Galicia sobre drogas.
Tipificación: grave.
Sanción proposta: tres mil cinco euros con sete céntimos (3.005,07 €).