Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle, Ourense.

Denominación: recuamento de LMT en Pereiramá.

Situación: concello de Castroverde.

Características técnicas: LMTA a 20 kV con orixe nun apoio proxectado na LMTA a CTI Pereiramá e final nun apoio proxectado na mesma liña, cunha lonxitude de 52 metros, en condutor LA-56.

Todas aquelas persoas ou entidades que se consideren afectadas poderán presentar as súas alegacións, nesta xefatura territorial, no prazo de vinte días.

Lugo, 14 de novembro de 2013

José Manuel Vázquez Leirado
Xefe territorial de Lugo