Advertido erro na publicación do DOG nº 229, do 29 de novembro, do anuncio deste concello relativo á aprobación inicial polo Pleno municipal, en sesión do 7 de novembro de 2013, da modificación puntual nº 3 do Plan xeral de ordenación municipal, de acordo cos artigos 85.2 e 93.4 da Lei 9/2002, do 30 de decembro, de ordenación urbanística e protección do medio rural de Galicia, e no que se indica que o documento se somete a información pública polo prazo dun mes, procédese á rectificación do devandito anuncio, facéndose constar que o prazo de exposición pública será de dous meses desde a súa publicación producida o día 29 de novembro.
Durante o devandito prazo, calquera persoa interesada poderá examinalo nas dependencias municipais para formular as alegacións que considere pertinentes.
Ribadumia, 29 de novembro de 2013
Mª Salomé Peña Muñiz
Alcaldesa