Rubén Díaz Fuenteseca, como secretario da sinatura Campo de Aldea, Sociedade Cooperativa Galega,
CERTIFICO:
Que no libro de actas da dita cooperativa, figura transcrita a acta que literalmente transcribo:
«En Sisoi-Cospeito (Lugo), vinte e cinco de outubro do dous mil trece, ás 16.00 horas, en 2ª convocatoria, ao non haber quórum na primeira, reúnense no seu domicilio social, en asemblea xeral extraordinaria, convocada conforme o establecido nos estatutos e na Lei 14/2011, do 16 de decembro, pola que se modifica a Lei 5/1998, do 18 de decembro, de cooperativas de Galicia, os socios da compañía Campo de Aldea, Sociedade Cooperativa Galega que se expresan, para tratar a seguinte
Orde do día:
Punto 1. Proposta de disolución da cooperativa.
Punto 2 . Elección do órgano de liquidación.
Punto 3. Aceptación do cargo de liquidadores.
Actúa de presidente o que é da cooperativa José María Fernández Blanco e de secretario Rubén Díaz Fuenteseca.
O presidente, asistido polo secretario, forma a seguinte lista de socios asistentes ou representados:
|
Nº socio |
Nome do socio |
Representado por |
|
7 |
José Mª Cornide López |
|
|
8 |
José Mª Fernández Blanco |
|
|
20 |
Celia Fernández Fernández |
|
|
22 |
Mª Carmen Blanco Galán |
|
|
23 |
Dolores Blanco Crecente |
|
|
29 |
Luis Veiga Pérez |
|
|
40 |
Conchaos, S.C. |
Rubén Díaz Fuenteseca |
Punto 1. Proposta de disolución da cooperativa.
O presidente informa de que, por finalización e cumprimento da actividade empresarial que constituía o obxecto social de cooperativa, e mesmo por causas económicas, como teñen manifestando moitos socios, se propón a disolución da cooperativa.
Sometida a proposta a votación, acórdase por unanimidade dos asistentes e representantes a disolución da cooperativa.
Punto 2. Elección do órgano de liquidación.
Conforme o artigo 64 dos estatutos sociais e o 89 da vixente lei, resultan elixidos para formar o órgano de liquidación os seguintes socios:
José María Fernández Blanco: NIF 33850230-A.
Rubén Díaz Fuenteseca; NIF 33342662-E.
Luis Veiga Pérez; NIF 33847793-G.
Punto 3. Aceptación do cargo de liquidadores.
Os tres socios elixidos como órgano de liquidación, que están presentes neste acto, aceptan o cargo.
Redacción, lectura e aprobación da acta. Sen máis asuntos que tratar, o secretario, logo de redactar a acta, procede á súa lectura e, aprobada por unanimidade, asínaa de conformidade co visto e prace do presidente».
En Cospeito o 5 de novembro de 2013, expido esta certificación co visto e prace do presidente.
José Mª Fernández Blanco Rubén Díaz Fuenteseca
