Para os efectos de darlle cumprimento ao solicitado polo Xulgado do Contencioso-Administrativo número 1 da Coruña, en relación co procedemento ordinario 207/2013, interposto por Enrique Cayetano Naranjo Morodo, contra a resolución ditada pola Axencia de Protección da Legalidade Urbanística no expediente sancionador e de reposición da legalidade SIL/127/2012, pola que se impón como responsable de obras abusivas dentro da zona de servidume de protección do dominio público marítimo-terrestre unha sanción pola comisión de infracción grave tipificada na Lei de costas, esta dirección resolveu ordenar a remisión do correspondente expediente ao Xulgado do Contencioso-Administrativo número 1 da Coruña.

Polo exposto, mediante esta resolución emprázase a Paloma Naranjo Morodo para que poida comparecer como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de novembro de 2013

María Martínez Allegue
Directora da Axencia de Protección da Legalidade Urbanística