Segundo consta no expediente, unha vez intentada a práctica doutras notificacións á dita empresa non foi posible realizalas pola causa de ter domicilio descoñecido. Polo tanto, ao se ignorar o lugar para o efecto de notificacións, en aplicación do artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, acórdase que se proceda á publicación deste anuncio no Diario Oficial de Galicia e no taboleiro de edictos do concello correspondente.
As persoas interesadas poderán examinar a comunicación completa no Servizo de Xogo da Dirección Xeral de Emerxencias e Interior, sito na rúa Roma, nº 25-27, de Santiago de Compostela, das 9.00 ás 14.00 horas, de luns a venres.
De conformidade co establecido nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, contra esta resolución, que non pon fin á vía administrativa, poderá interpoñerse recurso de alzada no prazo dun mes contado a partir do día seguinte ao da notificación desta resolución. O dito recurso ou calquera outro recurso que considere pertinente ao seu dereito pode interpoñerse ante esta dirección xeral ou ante a Vicepresidencia e Consellería de Presidencia, Administracións Públicas e Xustiza.
Santiago de Compostela, 31 de outubro de 2013
Santiago Villanueva Álvarez
Director xeral de Emerxencias e Interior
ANEXO
Empresa operadora: Recreativos Raba, S.L.
CIF: B-15113921.
Último enderezo coñecido: praza do Concello, 1, 15960 Ribeira (A Coruña).
Data do trámite de audiencia: 31 de outubro de 2013.
Causa do expediente de execución: non pagamento de taxas de máquinas.