De conformidade co acordado pola Xunta de Goberno Local do Concello, o día 10 de xullo de 2013, por medio deste anuncio efectúase a convocatoria do procedemento aberto, atendendo á oferta economicamente máis vantaxosa, con varios criterios de adxudicación, da xestión indirecta, mediante concesión, do servizo de atención á terceira idade Residencia e Centro de Día do concello de Muíños, coas seguintes características:
1. Entidade adxudicadora.
a) Organismo: Concello de Muíños.
b) Dependencia que tramita o expediente: Secretaría-Intervención.
c) Número de expediente: 2013/102.
d) Código CPV: 81311100-3 e 85.312100-0.
2. Perfil de contratante.
Enderezo da internet do perfil de contratante:
(http://www.depourense.es/web/contratacion.htm).
3. Obxecto do contrato.
Contratación da xestión indirecta, mediante concesión, do servizo de atención á terceira idade Residencia e Centro de Día do concello de Muíños, mediante a explotación do edificio construído coa dita finalidade, na localidade de Mugueimes, deste termo municipal.
4. Tramitación e procedemento de adxudicación.
a) Tramitación: ordinaria.
b) Procedemento: aberto.
5. Canon anual do contrato.
O tipo mínimo de canon global anual que satisfará ao Concello a concesionaria fíxase na cláusula IV do prego de cláusulas administrativas particulares (PCAP), e diferénciase entre os exercicios 2014, 2015 e seguintes:
– Exercicio 2014: canon non inferior a 12.000,00 euros.
– Exercicio 2015 e seguintes: canon non inferior a 18.000,00 euros.
6. Duración do contrato.
O prazo máximo de duración do contrato será de 20 anos (cláusula V do PCAP).
7. Garantías exixidas (cláusulas VI e VII do PCAP).
a) Garantía provisional: non se exixe.
b) Garantía definitiva: 24.000,00 euros.
8. Obtención de documentación e información.
a) Entidade: Concello de Muíños.
b) Enderezo: praza San Rosendo, nº 1.
c) Localidade e CP: Mugueimes, 32880 (Concello de Muíños).
d) Teléfono: 988 45 64 03.
e) Fax: 988 45 64 80.
f) Enderezo de correo electrónico: concello.muinos@eidolocal.es
g) Páxina web: http://www.concellomuinos.com
h) Data límite de obtención de documentos e información adicional: dez (10) primeiros días do prazo de presentación de proposicións e documentación.
i) O prego de cláusulas administrativas particulares, o prego de prescricións técnicas e o Regulamento de organización, funcionamento e réxime xurídico do servizo están integramente publicados no perfil do contratante: (http://www.depourense.es/web/contratacion.htm) e na páxina web do concello (http://www.concellomuinos.com).
9. Prazo de presentación da documentación e das proposicións.
a) Data límite de presentación: 26 días naturais contados desde o seguinte ao da publicación do anuncio de licitación no Diario Oficial de Galicia (DOG), das 9.00 ás 14.00 horas (cláusula XI do PCAP); o anuncio de licitación publícase tamén no Boletín Oficial da provincia de Ourense (BOP) e as bases íntegras no perfil do contratante (www.depourense.es) e na páxina web do concello (http://www.concellomuinos.com).
b) Documentación que integrará as ofertas: a que figura no prego de cláusulas administrativas particulares (cláusula IX).
c) Lugar de presentación: Rexistro Xeral do Concello de Muíños (cláusula XI do PCAP).
10. Cualificación da documentación xeral e apertura das proposicións.
a) Data: o terceiro día hábil (agás sábados) a aquel en que remate o prazo de presentación de proposicións, ás 10.30 horas; logo, ás 12.00 horas do mesmo día e no mesmo lugar, apertura do sobre nº 2, se non existisen deficiencias que emendar (cláusula XII do PCAP).
b) Lugar: salón de de sesións do Concello de Muíños.
11. Criterios de adxudicación.
Os que figuran na cláusula XIII do prego de cláusulas administrativas particulares:
• Redución das tarifas que aboarán os usuarios do servizo de residencia, de 0 a 15 puntos.
• Redución das tarifas que aboarán os usuarios do servizo de centro de día, de 0 a 10 puntos.
• Canon anual que o licitador se compromete a aboar ao concello pola explotación do servizo, de 0 a 10 puntos.
• Proxecto de explotación, de 0 a 10 puntos.
12. Gastos de publicidade.
Serán por conta do adxudicatario ata un importe máximo de 1.500,00 euros.
13. Outras informacións.
As recollidas nos pregos de cláusulas administrativas particulares e de prescricións técnicas correspondentes a este procedemento, publicadas no perfil de contratante, o Regulamento de organización, funcionamento e réxime xurídico do servizo público de atención á terceira idade Residencia e Centro de Día do concello de Muíños (BOP do 23.10.2013), así como demais documentación que integra o expediente.
Muíños, 18 de novembro de 2013
Plácido Álvarez Dobaño
Alcalde
