a) Obxecto do contrato: servizo de mantemento das instalacións de luz pública e das instalacións eléctricas do concello de Miño, incluíndo a subministración, instalación, mantemento, montaxe e desmontaxe da luz pública de Nadal.
b) Procedemento: aberto, varios criterios de adxudicación. Todo empresario interesado poderá presentar unha proposición; queda excluída toda negociación dos termos do contrato cos licitadores, de acordo co artigo 157 do texto refundido da Lei de contratos do sector público.
c) Orzamento de licitación:
Orzamento anual: 45.048,32 euros e 9.460,15 euros de IVE.
Orzamento máximo do contrato, incluíndo as posibles prórrogas: 270.289,92 euros máis IVE.
As proposicións económicas dos licitadores non poderán exceder este orzamento.
d) Aplicación orzamentaria: 165-227.99.
e) Duración: catro (4) anos; será prorrogable por acordo das partes por dous anos máis.
f) Lugar de entrega das proposicións: Rexistro Municipal. Concello de Miño; A Carreira, 38, 15630 Miño, das 9.00 ás 14.00 horas.
g) Prazo de entrega de proposicións:
Presentación de ofertas: quince (15) días naturais contados desde a última publicación oficial do anuncio de licitación. O anuncio de licitación publicarase no Diario Oficial de Galicia, no Boletín Oficial da provincia da Coruña e no perfil do contratante.
h) Mesa de contratación: si.
i) Fianzas: non se exixe fianza provisional. Definitiva: 5 % do orzamento máximo do contrato (incluíndo as posibles prórrogas), excluído o IVE.
j) Perfil contratatante: www.concellodemino.com
Miño, 28 de outubro de 2013
Eva Vilariño González
Concelleira delegada da Área de Urbanismo, Facenda e Persoal