No Xulgado do Contencioso-Administrativo número 2 de Lugo tramítase o recurso 164/2013-S (procedemento abreviado) interposto por Lourdes Bermello López, Mª Concepción Pérez Carrera, Adela Quiroga Mariño e Mª Isabel Castro Cabo contra as resolucións do 7 de maio de 2013 da directora xeral de Recursos Humanos do Servizo Galego de Saúde, polas que se desestiman os recursos de alzada interpostos contra a Resolución do 14 de setembro de 2012, da Dirección Xerencia do Complexo Hospitalario Xeral-Calde de Lugo (Hospital Universitario Lucus Augusti), pola que se convoca procedemento de mobilidade interna voluntaria entre unidades/servizos do Complexo Hospitalario Xeral Calde-Hospital Universitario Lucus Augusti para o persoal fixo das categorías de persoal sanitario diplomado, sanitario de formación profesional e persoal de xestión e servizos, manifestando que na relación de prazas ofertadas obxecto de concurso de mobilidade interna do Hospital non se inclúen as seis prazas de DUE dispoñibles no Servizo de Farmacia.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 25 de outubro de 2013

Margarita Prado Vaamonde
Directora xeral de Recursos Humanos